Novembre

Oy miri al sielo
Kuvyerto de nuvlas i grizo
Mis ojos bushkaron el sol
Sus rayos ke dan vida i kalor
En mi korason tristesa i yelor.

Kamini en los campos fuera de la sivdad
Mis pasos lentos i kansados
Karesando los arvelos en pasando
Karesando las yervas, m’abokando
Mirando al grizo i pensando a mi soledad.

Bushki las flores golorozas, no estavan !
Sus bivas kolores i lo suave de sus petalos
En los kampos asolados… me mankavan.
Un perro a mi lado, ambreyados los dos
Kaminavamos d’en vez en kuando mirandomos

Dospues….Torni a kaza, siempre sola.
Mi ambre aviya amahado…Pensi a akel perro
No es importante si es animal o humano
L’ambre, la dolor, la soledad i el manko d’amor !
Deshar este mundo sin mirar atras es mijor

[email protected]