Un doktor topo mi korason engrandesido, Le respondi ke yo no estava konvensido, No tenia un senyal de ser voluminoso Ni dolor, ni palpitasion, ningun dezreposo. Puedeser es yeno kon diferentes sentidos Los k’estan leshos no pueden oir sus sonidos. El oye los yoros silansiozos de un ansioso, Ve las lagrimas sekretas de un maloroso.
Siente las angustyas de akeos desdichados Del prove,del hazino, de los dezventurados. Sansible a los dezesperos de amorozos Bate kon alegria kuando los ve orozos. Gracias al Dio por regalarme este korason Riko en sentidos i rikisimo en pasion. Deshame doktor kon korason engrandesido Deshame te rogo este modo hui nasido.
Acerca de Haim Vitali Sadacca
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.
Artículos Relacionados: