Hola buenos días,
Soy un judío mesiánico Colombiano, se de mis raíces judías y del legado de nuestros antepasados sefarditas por uno de mis apellidos «Ladino».
Quisiera saber más del judeo-espaniol sus orígenes, su historia, la relación directa que tiene con el judaísmo y mucho más.
Espero tengas tiempo para leer mi mensaje.
Que Hashem te bendiga.
Shabat Shalom.
Cordialmente,
Daniel Leonardo Ladino Ardila.
Economista.
———————————————————-
Shalom kerido Daniel Leonardo
Siempre es un gusto de meldar las letras de muestros ermanos Judios Sefaradis, Judios Ashkenazes, komo los de los Judios konversos , los Judios Messianikos, relijyozos o sekularyos, Mizrahim o dispersidos en el mundo entero, basho diferentes orijinas etnikas…. Para mi son todos los mizmos, mis ermanos ke amo de manera igual. Esto enteramente segura ke Di-o, ken ke seyan – a kondisyon ke tengan el korason limpyo, seyan djustos, i buenos en sus korason, konoskan el Todo Poderozo i lo reingrasyen i lo alaven por las ermozuras ke mos regalo – seran guiados por EL, resiviran Sus bendisyones i egzistiran en el Ganeden kuando pasaran a la Eternitad. Es unikamente mi manera de pensar i kreyer todo en respektando las kreyensyas de todos los otros.
Diario Judio es una revista internasyonal en el WEB ke tiene munchos artikulos sovre el Judaizmo, la etika, la filozofiya, le vida de kada diya, la relijyon, las fiestas, las aktivitades, la literatura, la politika, las kostumbres i los uzos, la kozina i las linguas judiyas. Yo mizmo partisipo kon entuzyazmo i kon lo ke puedo a todo modo de eskritos relatados al judaizmo o no… Espero ke toparas en estos eskritos lo ke te interesa saver i puedras siempre demandarme de eskrivir sovre kualkerkoza ke kijyeras saver….
Shabat Shalom i
Saludos karinyozos des de Istanbul-Turkiya ande bivo.
Artículos Relacionados: