La Volata I El Zirgulon Mamzer

Por:
- - Visto 216 veces
La Volata I El Zirgulon Mamzer

Diario Judío México-

LA VOLATA I EL ZIRGULON MAMZER

Me seli de la fabla de La Fontaine ke eskrivyeron de muevo en lingua argo i kije ke mozotros tambien tengamos lo mizmo en el argo del Judeo Espanyol !


Vos prezento “Le Corbeau et le Renard” de La Fontaine a mi
manera :

LA VOLATA I EL ZIRGULON MAMZER

Misken de la Fontaine
se iva chuparse los dedos
por su fabla ke empaketaron !
La vedra, mas la kozyeron
Mas tiene la savor del bonbon !

La volata                                                                   El Zirgulon

La volata i el zirgulon
Se plancharon i se vazyaron
Por el pedas de kazuello
A ken mas mas….

El kuku de la volata
No se iva dar a kavesa
Kon el zirgulon
I desho a pita
El pedas de kazuello
A la klapa del zirgulon !
Este se lo zapato riendo kon razon !

Se las frego las patinas pensando
Komo bien le juggo el tinyasko
Kon el jetton ke le kayo
I komplimento
Por sus savyos biyerveskos
La volata kon plumas de boka abasho !

sharope.blanco@gmail.com

Comparte en Redes Sociales

Acerca de Sharope Blanco

SHAROPE BLANCO en ESTAMBUL (Turquia) Sharope Blanco, economista y profesora de lenguas, administradora y fundadora del Grupo SEFARADIMUESTRO en Yahoo, donde escribe sus poemas, artículos, recuerdos y su novela Almendra. Escritora y poeta de innumerables poemas y artículos en Inglés, en Francés, en Turco y en Judeo-Espanyol, pocos publicados hasta la fecha. Su obra será publicada post-mortem según su deseo, por su hijo Nebil F. Behar, medico residente en Inglaterra.

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


Artículos Relacionados: