“Djuzgos Yerrados”, poema en Ladino

Este kavzo se paso en pais reputado en djuzgos,
Pais destinguido,moderno,apresiado de munchos.
Bivia un ombre riko i konsiderado de todos
Ma un djuzgador de poka sensya lo rondjo a los lodos.
El ombre hue kalomniado sin kulpa,sin mereserlo
Era de alta kultura, djuzgado ” kulpante” ma sin serlo.
Suspecharon ke fabrikava bevyentas alkolikas
I ke las vendia en sekreto a famias muy rikas.
Una noche la polisia kon fuersa de muncha djente
Entro a la kaza de el ombre ke era inosente….
La kaza la sakudyeron del suelo fin sus techos,
La gruta,los armaryos,las kamas i todos los techos
No toparon bevyentas defindidas,mismo una gota.
Solo un alambik oksidado i una bota rota.
Hue djuzgado i kondanado a dos anyos de prizion
Pensando k’estos elementos valeran a fabrikasyon.
“”Porke akuzarme??no topatesh aktos por kondanasyon
Una sentencia igual no egzistera en otra nasyon,
Senior djuzgador, posedo boka i ke puedo maltratar
I otros organos en mi puerpo para pueder atakar
Kondaname a otros dos anyos kon tu imajinasyon
Kastigame a baza de tu yerrada suppozisyon.””
El djuzgador supo su yerro i troko de desizyon
Enfrente de esta defensya annulo la kondanasyon.