Diario Judío México - Munchos anyos korri por pueder alkansarte,
Eksplikar mi amor sensero i abrasarte,
Kedates muy tadre para rogarme.

***

Aviendo pasado todo mi tiempo kon amor
Agora esto kon kaveyos blankos,sin ardor,
Kedates muy tadre para yamarme.

***

Si yo no siento la kayentura de tu boka
Akel sentimiento ke a mi korazon toka,
Kedates muy tadre para bezarme.

***

Tengo amatado akel fuego de mi alma.
Un disgusto lo ke siento ke nunka me kalma,
Kedates muy tadre para amarme.

***

El resto de mi vida kon memorias bivere,
I todas las noches en mis esfuenyos te vere
Fin al djuzgo divino… I alesharme.

Las opiniones expresadas aquí representan el punto de vista particular de nuestros periodistas, columnistas y colaboradores y/o agencias informativas y no representan en modo alguno la opinión de diariojudio.com y sus directivos. Si usted difiere con los conceptos vertidos por el autor, puede expresar su opinión enviando su comentario.

SIN COMENTARIOS

Deja tu Comentario

Artículo anteriorThe media’s tragic obsession with Israel
Artículo siguienteEn México se baila por la Paz en Medio Oriente y el Mundo Salam
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.