Japón se presenta a ritmo de klezmer en la competencia Nationals FX 2016 (En Yiddish)

ינט עס האָט זיך אָנגעהויבן די אָלימפּיאַדע אין ריאָ דע זשאַנעראָ דעם 5טן אויגוסט, האָט מען שוין אָנגעשריבן אַ סך אַרטיקלען וועגן די ייִדישע אַטלעטן, וואָס באַטייליקן זיך הײַיאָר ווי, למשל, אַלי רײַזמאַן און גבי דאָגלאַס.

אינטערעסאַנט איז אָבער אַז איינע פֿון די פּאָפּולערסטע אָלימפּיאַדע־יו־טוב ווידעאָס בײַ ייִדן די פֿאַרגאַנגענע וואָך איז דווקא געווען אין שײַכות מיט אַ נישט־ייִדישן אַטלעט. דעם 9טן אויגוסט האָט די 16־יאָריקע יאַפּאַנישע גימנאַסטקע, סאַיע מיִאַקאַוואַ, דורכגעפֿירט איר פּראָגראַם צו אַ קלעזמער־אַראַנזשירונג פֿונעם ליד „כּל העולם כּולו‟, וואָס דער גרינדער פֿון בראַצלעווער חסידות, ר׳ נחמן, האָט אָנגעשריבן אינעם 18טן יאָרהונדערט.

דאָס איז נישט געווען דאָס ערשטע מאָל, וואָס אַן אַטלעט ניצט אַ טראַדיציאָנעלע ייִדישע מעלאָדיע אויף דער אָלימפּיאַדע. אין לאָנדאָן 2012, האָט רײַזמאַן געוווּנען אַ גאָלדענעם מעדאַל נאָכן דורכפֿירן איר פּראָגראַם צו „הווה נגילה‟.

מיִאַקאַוואַ האָט אָבער נישט געהאַט רײַזמאַנס מזל; קיין מעדאַל האָט זי נישט געוווּנען. די יאַפּאַנישע גימנאַסטיק־מאַנשאַפֿט איז געקומען אויפֿן פֿערטן אָרט, נאָך די פֿאַראייניקטע שטאַטן, רוסלאַנד און כינע.

הגם די אָלימפּיאַדע האָט צוליב עפּעס אַ סיבה לעצטנס אַראָפּגענומען פֿון דער אינטערנעץ דעם ווידעאָ פֿון מיִאַקאַוואַס „ייִדישער‟ פּראָגראַם, קען מען זען ווי די גימנאַסטקע פֿירט דורך די זעלבע פּראָגראַם אויפֿן נאַציאָנאַלן גימנאַסטיק־פֿאַרמעסט אין יאַפּאַן דעם 16טן אַפּריל 2016:

Read more: http://yiddish.forward.com/articles/198768/japanese-gymnast-performs-routine-to-klezmer-music/#ixzz4HpFlppq4