Diario Judío México - Alerjistos :
Mijor es arraskarse !

Dermatolojistos :
ES koza delikada. Ni tokar a esto !

Gastroenterologos :
Me dan ganas de gomitar !

Neurolojistos !
Tienen los inyervos fuertes para kitar esto !

Obstetrisyanos :
Tenemos un problem.. De esto va naser kozas tugertas !

Oftalmolojistos :
Ni estan viendo la punta de sus nariz !

Patalojistos :
Ensima de mi puerpo muerto !

Pediatristos :
Ohhhhhhh ! Engrandesevos !

Psikyatristos :
Esto es una lokura ! Son lokos atavanados ! De atar por mi vida !

Psikolojistos :
Ni mos prepararon a esto ! Komo se aviza ansina de koza sin pensar a las konsekuensyas ? Traye shok !

Radiolojistos :
No estash viendo lo ke ay en esto ? Esta transparente !

Hirurgos :
Mozotros mos lavamos las manos de todo esto ! Kortar la kestyon es mijor !

Internistos :
Lo vamos a englutir komo una kura amarga..Ke se aze ?

Hirurgos de plastika :
Esto mos mete delantre de una kara del problem enteramente trokada !

Podiatristos :
Es un paso a delantre !

Urolojistos :
Este echo areyeva mas agua…

Anesteziolojistos :
Mijor dar a durmir a ansina de kozas.. No reaksyonar !

Los Doktores de hazinuras de los pumones :
No mos vana deshar respirar !

Los ortopedistos :
Estavamos kosheyando agora mos vamos a kayer !

Doktores de las venas i de sirkulasyon :
Por siguro ke vana enkuentrar toda manera de obstrukyones en kamino

Kardiolojistos :
No tenemos korason de meter restriksyones a lo ke deven de azer !

Hirurgos del meoyo :
Es una situasyon muy delikada! Ken save si vana reushir !
No mas de unos 10 porsyen va salir a bueno kon esto.
Tokaron ande no kaliya tokar. Mos keda solo de arrogar !

**

RIYIR O YORAR……

El hombre se kazo kon una ermoza ijika de su puevlo. Dospues de 1 mez topo echo en Almanya, desho su mujerika en yoros i se fue.

Dospues de 3 mezes arresivyo un telegram

TU MUJER SE MURYO STOP VEN PRESTO POR LOS FUNERAYES STOP TUS AMIGOS

Loko bolado el hombre tomo bilyeto para el primer treno i vino a su puevlo. Ve su mujer i se espanta. Estava muerte ma respirava. La yamo, la bezo, le izo masaj para arrebivirla, le dyo kolonya i todo i vido ke avriyo los ojos. Se alegro muncho. Todos los ke viyeron esto se disheron “Ke fuerte amor…. la arrebivyo !”.

El hombre kedo 2 mezes i se tuvo ke ir otra ves.

Un mez dospues un telegramo !

TU MUJER MUERTA DE DOLOR KE TE FUITES. NO VENGAS STOP. AY 10 DIAS KE TODO EL PUEVLO ESTA TRATANDO DE ARREBIVIRLA NO SERVYO A NADA STOP YAMIMOS TAMBIEN EL PUEVLO VIZINO STOP NADA DE AZER STOP TU KE BIVAS MUNCHOS ANYOS

Kon karinyo

[email protected]