Tus ojos son color de miel que refletan tu dulzura
Sus miradas son la decoracion de tu hermozura,
Todos mis dias los paso con el deseo de verte,
Tu sos mi inspiracion, a mi lado kero tenerte.
Tokar akeos kaveyos sedozos y karesarte,
I kon aquel fuego de mi alma deseo bezarte.

****

Tu sos mi mundo , mi alegria,kero todo darte,
Olvidare mis penas y de corazon perdonarte,
Tornaremos a nuestra vida feliz komo antes,
En dekorandola kon momentos alegres y kantes.
Estas en mi corazon,yo no puedo olvidarte,
Fin la fin de mi vida vo kontinuar a amarte.

****

Los amarozos yoran en sekreto ma sin lagrimas,
Kuando una espartision es sin razon mas y mas,
Tu repuesta me salvara de mi grande dezespero
Lo mas tadre oy, o manyana la noche te espero.

2 COMENTARIOS

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.
Artículo anteriorQue hacer cuando el bebé no deja de llorar
Artículo siguienteOperado con éxito paciente con síndrome del ‘hombre árbol’
So nasido en el 11/9/1919. En el 1990 me travi de mi negocio por el amor de mis ijos. Hacia importaciones de grasa i de productos chemicales para fabricacion de jabon de los Estados Unidos durante muchos anyos. En mismo tiempo era reprezentante de una factoria en Italia que hacia machinas para hacer jabon.Disde anyos ke mis dos ijos bivian con sus familias el uno en NY Long island,i el otro en Montreal. Mi esposa i yo empisimos a bivir 5 mezes en el Canada, 3 mezes en Florida y 4 mezes en Istanbul. Ay 22 anyos ke tenemos esta vida,para gozar de las affecciones de nuestros ijos y nietos.Disde mi chikes ke me plasia la literatura,eskrivia poesias en Turko,en Fransez, i en Judeo-Espanol. Este hobby me da una enerjia en esta edad avansada.Antes 2 anyos la Foundation for the Advancement of Sephardic Studies and Culture New York, publico mi livro\Un Ramo De Poemaskon lastraductiones echas en Inglez de parte de David Fintz Altabe, y lo regali a esta organizacion. con la pensada ke puedeser dare una mano a la reanimacion de nuestro Judeo/Espanol(Ladino) ke avlamos los sefaradis en Turquia y en muchos paises.