Phelps y otros usan “toite bankes” para ganar (En Yiddish)

Por:
- - Visto 1310 veces

עס קאָן זײַן אַז דאָס שטעלן באַנקעס וועט נאָך ווערן דאָס נײַסטע משוגעת נאָך דעם, ווי מיליאָנען צוקוקער פֿון די אָלימפּישע שפּילן אין ריִאָ־דע־זשינייראָ וועלן זען ווי די אַטלעטן שווימען, שפּרינגען, טאַנצן און וואַרפֿן שפּיזן מיט ריזיקע ראָזעווע קלעפּ איבערן הויט.

ווען מענטשן אויף „טוויטער‟ האָבן לכתּחילה געזען די פּערפֿעקט־רונדע פֿלעקן אויפֿן הויט פֿונעם שווימער מײַקל פֿעלפּס, דער סאַמע־דערפֿאָלגרײַכסטער אַטלעט אין דער געשיכטע פֿון דער אָלימפּיאַדע, האָבן אַ סך מענטשן ניט פֿאַרשטאַנען, פֿון וואַנען עס זענען געקומען די צייכנס. געוויסע האָבן געמיינט, אַז פֿעלפּס לײַדט פֿון אַ געוויסער קראַנקייט. אַנדערע האָבן געהאַלטן, אַז עפּעס אַ מאָדנע וואַסער־באַשעפֿעניש האָט אים אַטאַקירט אָדער אַפֿילו, מע בעט איבער אײַער כּבֿוד, אַז אַ געליבטע האָט איבערגעלאָזט אויף אים עטלעכע זייגקושן (בלע״ז hickies). אַנדערע באַנוצער פֿון „טוויטער‟ האָבן אין גיכן דערקלערט דעם עולם, אַז עס האַנדלט זיך דאָ ניט אין קיין אומגליקן מיט גרויסע אָקטאָפּוסן אָדער קיין געליבטע מיט ריזיקע ליפּן, נאָר אין אַ באַקאַנטער שטעטלדיקער רפֿואה.

ניט געקוקט אויף דעם וואָס ס׳רובֿ הײַנטיקע אַמעריקאַנער ייִדן ווייסן ניט פֿון באַנקעס, בלײַבט דאָס וואָרט אַליין אַקטועל אַ דאַנק אַ ריי פּאָפּולערע אויסדרוקן. אַפֿילו צווישן די, וואָס דערקלערן אַ מאָל אויף מאַמע־לשון, אַז „ס׳וועט אים העלפֿן ווי אַ טויטן באַנקעס‟, ווייסן ניט אַלע, אַז ס׳גייט אַ רייד וועגן קליינע גלעזערנע טעפּלעך, וואָס מע הייצט אויף און לייגט אויפֿן קערפּער, זיי זאָלן זויגן דעם הויט. די מעדיצינישע טעכניק, וואָס איז געווען שטאַרק פֿאַרשפּרייט אין מיזרח־אייראָפּע ווי אַ רפֿואה קעגן כּל־המינים קרענק און ווייטיקן, איז ניט בלויז אַ דערמאָנונג פֿון דער אַלטער היים. די היילונג בלײַבט פּאָפּולער אין כינע און אין אַ ריי אַנדערע אַזיאַטישע און מיטל־מיזרחדיקע לענדער און ווערט איצט פּאָפּולער צווישן די אָנהענגער פֿונעם אַלטערנאַטיוון מעדיצין.


לויט פֿאַרשידענע דאָקטוירים וואָס האָבן גערעדט מיטן „בי־בי־סי‟ זענען ניטאָ קיין שום מעדיצינישע ראַיות, אַז דאָס שטעלן באַנקעס העלפֿט דעם פּאַציענט. פֿון זייער זײַט טענהן אַ סך אַטלעטן, אַז די טעכניק העלפֿט זיי בײַצוקומען דעם ווייטיק וואָס קומט מיטן טרענירן און קאָנקורירן אויף אַזאַ אינטענסיוון אופֿן. אַלעקס נאַדור, אַן אַמעריקאַנער גימנאַסט האָט געזאָגט דער צײַטונג „יו־עס־איי טודיי‟, אַז דאָס שטעלן באַנקעס, איז פֿאַר אים בעסער ווי אַלע אַנדערע מעטאָדן אויסצושטיין ווייטיק, אַרײַנגערעכנט מאַסאַזש, „אײַז־באָדנס‟ און דאָס גייען אין סאַונע.

Read more: http://yiddish.forward.com/articles/198632/cupping-is-all-the-rage-in-rio/#ixzz4H2n0S4lQ

Deja tu Comentario

A fin de garantizar un intercambio de opiniones respetuoso e interesante, DiarioJudio.com se reserva el derecho a eliminar todos aquellos comentarios que puedan ser considerados difamatorios, vejatorios, insultantes, injuriantes o contrarios a las leyes a estas condiciones. Los comentarios no reflejan la opinión de DiarioJudio.com, sino la de los internautas, y son ellos los únicos responsables de las opiniones vertidas. No se admitirán comentarios con contenido racista, sexista, homófobo, discriminatorio por identidad de género o que insulten a las personas por su nacionalidad, sexo, religión, edad o cualquier tipo de discapacidad física o mental.


El tamaño máximo de subida de archivos: 300 MB. Puedes subir: imagen, audio, vídeo, documento, hoja de cálculo, interactivo, texto, archivo, código, otra. Los enlaces a YouTube, Facebook, Twitter y otros servicios insertados en el texto del comentario se incrustarán automáticamente. Suelta el archivo aquí

Artículos Relacionados: