NO TE KERO MAS…..
Dinguno muere de tristesa
Ni el amor tambien mata
Ansina avlan falso o vedra
Ma ke pensar de los versos ?
Dizen ke pena de amor no dura
Si no se ve un tiempo se olvida
Kero kreyerlos, amo la vida !
Si tal es porke no amahan mis yoros ?
Oyi, demandas por mi
Te aze pena lo ke sufri !
No lo saves ke yo me muri !
No me kayintan tus biervos…
Flores i palomas te plaziyan
La mar, los rios… te arrebiviyan
Amava tu boz, tus rizas m’enkantavan
No bivo mas kuando estas leshos !
No, no es ni un yerro ni un revolto
Solo yoro… Arrepintida ? No lo esto !
Miro i miro al sielo i tengo friyo…
No te kero dospues de bezos ajenos
Alora… Ke mal es mi dolor ?
Porke me siento sin respiro, sin kalor ?
Una fotografiya me soriye kon amor
Miradas mintirozas bolan komo pasharos….
Anjelo de la noche del payis de inyeves
No puide darte mi alma para ke te la yeves
La kastiges a tu plazer i me salves….
No me valen mas ni dudas ni enganyos !
Sharope Blanco
Artículos Relacionados: