Mamita

Me sorprende de ensonyarnme de eya dayinda a mi edad
Anyos pasaron portanta de kuando se bolo a la Eternitad
“Me akodro de kada una de tus sorizas, de tus dulses miradas
“Imploro los Sielos para ke estes en paz i durmas sin amarguras
“Tu eras mi mundo Mamita, todo lo ke te teniya de bueno
“Amor de mi chikes, mi angelo, la kalor ke siempre me akompanyo.

Mamita kerida
No egziste ke una.
Nunka se olvida
De su karesa,
De sus bezos
I sus dulses biervos.

Kuando una mamita se perye,
Siempre firye, siempre duele.
No egziste otra ke la remplase.
No se merka i no se vende.
Es la unika ke mos entyende.
Siempre perdona, siempre soriye.

Ke diferensya ay entre las mamitas,
Unas humanas i otras bestias ?
Di-o les dyo la mizma kalor.
Aman sin limito, de un mizmo amor.
Una mamita es dulsor.
Siempre se akodra de su kayntor !