Mi segunda poeziya semi finalista en el konkurso !
Wohouuuuuuuuuuuuuuuu mis keridos ! Ke plazer tengo en anunsiyandovos ke por la SEGUNDA VEZ, konsekutivamente,
mi poeziya fue desinyado por el komite de seleksyon del Centro de Estudios Poeticos en Madrid – Espanya..
Me avizan ke “EN EL KALMO DE LA NOCHE” va apareser en la antolojiya del Centro kon el titulo ESPLENDOR NOCTURNO. Entre miles i miles de poeziyas !
EN EL KALMO DE LA NOCHE
Es como si lo veygo este cielo
Una noche de enverano en el calmo..
Me acodro… Era en la Isla !
Miles de estrellias brillavan arriva,
Una noche borracha con el lunar,
Con una cobierta de luz ensima la mar.
Esto asentada en la punta de la peninsula.
Los pasharos estan escondidos,
No los veygo bolando ensima de la plaja..
En el silencio de la noche
Bruidos dentro de mi me gritan a la oreja..
Los quiero calliar, no oyir, correr en la arena
I en medyo de las espumas blancas
Nadar como sodra en las aguas tibias,
Alesharme para topar la paz en mi
En un esfuerso del cuerpo fina la canseria,
Aogar las bozes que revoltan la innosensia,
La soledad enimiga, cuando todo se callia.
Hermosa. Mis enhorabuenas por tus versos!